Օգոստոսի 24-28-ը Սևանա լճի գեղատեսիլ ափին ՄԻԱՍԻՆ  երիտասարդական  շարժումը  կազմակերպել  էր  Հայաստանում  նախադեպը  չունեցած համահայաստանյան  երիտասարդական կրթական  ֆորում  ՄԻԱՍԻՆ 2009: Ֆորումին  մասնակցում  էին  ավելի  քան 500  ակտիվ  և  տաղանդավոր  երիտասարդներ  Հայաստանից  և  սփյուռքից,  ինչպես  նաև  հյուրեր  Ռուսաստանից, այդ  թվում  ՌԴ  Պետական  Դումայի պատգամավոր, <<Երիտասարդ  Ռուսաստան>> շարժման առաջնորդ Մաքսիմ  Միշչենկոն:
Ֆորումը  ինքնատիպ  էր  մի  շարք  առումներով.  մասնակիցները  ապրում  էին  վրաններում  և  ինքնուրույն  կազմակերպում  էին  իրենց  կենցաղը,  կամա թե  ակամա  նրանք  հոգում  էին մեկմեկու  համար,  ապրելով  միասին`  ընտանիքի պես: Հագեցած և  հետաքրքիր  օրակարգը ապահովում  էր մասնակիցների բազմակողմանի  զբաղվածությունը`  կրթական  ծրագրերից   մինչև  ժամանցային  շոու  ծրագրեր: 
Մի խոսքով Սևանի աննման  ալիքների  ալեկոծությանը հինգ  օր  շարունակ խառնվեցին  երջանիկ  ժպիտներ  և  անսահման  ոգևորություն,  և  եթե  հավատանք,  որ ջուրը  հիշողություն ունի, ապա  Սևանի  քաղցրահամ  ալիքներն  այսուհետ  իրենց  հետ  կբերեն  մեր մասնակիցների  խինդն  ու  ծիծաղը:


Նայել այս բաժնի պատկերասրահը