| Նորություններ |
| |
27/02/2010
ԱԶԳԱՅԻՆ ՀԻՇՈՂՈւԹՅՈւՆԸ ՋՆՋԵԼ ՀՆԱՐԱՎՈՐ ՉԷ...
1988թ. փետրվարի 27-29-ը, հայ ժողովրդի հիշողության մեջ, մտել են որպես ողբերգական օրեր: Արդեն 22-րդ տարին է, հայ ժողովուրդը հիշում և սգում է այդ օրերի անմեղ զոհերի հիշատակը: Այդ իրադարձությունները, մինչ օրս, արժանի գնահատական չեն ստացել միջազգային հանրության կողմից, մեղավորներն արժանի պատիժ չեն կրել: Ավելին, ադրբեջանական կողմը ցինիկաբար շարունակում է ժխտել ամեն ինչ՝ իրեն ներկայացնելով զոհի կերպարանքով: Ողբերգական իրադարձություններից հետո ադրբեջանական իշխանություններն իրականացրեցին մի շարք ձերբակալություններ, որոնք ինչպես հետո պարզվեց, ընդամենը միջազգային հանրության աչքին թոզ փչելու միջոց էին: Կարճ ժամանակ անց, այդ ձերբակալվածները ոչ միայն ազատ արձակվեցին, այլև՝ հռչակվեցին ազգային հերոսներ: Անվերջանալի չարագործությունների և վայրենության համար զղճալու և մեղանչելու, ահաբեկիչներին պատժելու փոխարեն այսօր Ադրբեջանը վրեժխնդրություն և թշնամանք է քարոզում՝ վիրավորելով և վարկաբեկելով հայ ժողովրդին:
Միասին երիտասարդական շարժումը, հանդիսանալով բազմահազարանոց երիտասարդական կառույց, իր վճռական բողոքն է արտահայտում ցեղասպանության ցանկացած դրսևորման դեմ: Անընդունելի է, որ մարդը խոշտանգվում և սպանվում է իր ծագման և ազգային պատկանելիության համար: Սումգայիթում, Բաքվում, Կիրովաբադում, Մարաղայում և բազմաթիվ այլ բնակավայրերում ապրող հարյուրավոր հայեր ենթարկվեցին ամենավայրագ սպանդի, միայն իրենց հայ լինելու համար:
Նայել այս բաժնի պատկերասրահը
|
| Հետ |
|
Ակցիաներ
