| Նորություններ |
| |
05/06/2010
ՄԻԱՍԻՆ ԴԵՊԻ <<ՄԱՔՈւՐ ՀԱՅՐԵՆԻՔ>>
Ամիսներ առաջ Միասին երիտասարդական շարժումը իրականացրեց խոշոր ակցիա նվիրված շրջակա միջավայրի մաքրության պահպանմանն (տես <<Ձևավորենք շրջական միջավայրի պահպանման մշակույթ>> խորագրով ակցիան): Այդ ակցիան հանրագումարն էր մինչ այդ իրականացված տարբեր համեմատաբար փոքր ակցիաների, որոնք ևս կոչված էին բարձրաձայնելու շրջակա միջավայրի մաքրության պահպանման անհրաժեշտությունը: Ի վերջո ՀՀ վարչապետին և ոստիկանապետին հանձնվեցին նամակներ, խնդրանքով ձեռնարկել համապատասխան քայլեր: Արձագանքը չուշացավ օրեր անց վարչապետի նախաձեռնությամբ ստեղծվեց <<Մաքուր հայրենիք>> ազգային ծրագրի մշակման հանձնախումբը, ՀՀ Բնապահպանության նախարար Արամ Հարությունյանի գլխավորությամբ, որում ընդգրկվեցին մի շարք գերատեսչությունների ղեկավարների տեղակալներ և ներկայացուցիչներ Միասինից: Մեկ ամսյա աշխատանքներից հետո, <<Մաքուր հայրենիք>> ազգային ծրագրի նախագիծը դարձավ իրականություն, որը հաստատվեց վարչապետի կողմից: Հաջորդ փուլը արդեն ծրագրի շրջանակներում կոնկրետ ակցիաների իրականացումն էր: Հանձնախումբը, վարչապետի առաջարկությամբ, որոշեց հունիսի 5-ին որպես մեկնարկային միջոցառում, իրականացնել <<Երեք կամուրջ>> միջոցառումը, որի շրջանակներում մաքրվեցին Հրազդանի ձորի երեք` Հաղթանակի, Կիևյան և Դավիթաշենի կամուրջներին հարող տարածքները: Առանձնացված 7 տեղամասերում Միասին երիտասարդական շարժման եռանդուն անդամները ջանասիրաբար մաքրություն կատարեցին: Միջոցառմանն ակտիվ մասնակցություն ցուցաբերեցին նաև ՀՀ արտակարգ իրավիճակների նախարարությունը, Վայրի բնության համաշխարհային հիմնադրամը, Երևանի քաղաքապետարանը և տարբեր գերատեսչությունների ներկայացուցիչներ:
Միասին երիտասարդական շարժումը շարունակելու է պայքարել շրջակա միջավայրի մաքրության պահպանման մշակույթի ձևավորման համար, առաջ քաշելով նորանոր ծրագրեր և միջոցառումներ:
Նայել այս բաժնի պատկերասրահը
|
| Հետ |
|
Ակցիաներ
