Միասին երիտասարդական շարժումն իրականացրեց յուրօրինակ ֆլեշմոբ: Ֆլեշմոբը հնարավորինս պատկերավոր արտացոլեց Երևան քաղաքի երթուղային տրանսպորտի ներկայիս վիճակը: Ֆլեշմոբի մասնակիցներն, ովքեր պատրաստել էին ԳԱԶԵԼ մակնիշի երթուղային տրանսպորտի ստվարաթղթե մակետ, բեմականացման միջոցով ցույց տվեցին երթուղայիններից օգտվող քաղաքացիներին հանդիպող ամենօրյա փորձությունները: Միասին երիտասարդական շարժումը պարբերաբար իրականացնում է ակցիաներ հասարակությանը և տվյալ ոլորտի գերատեսչություններին հուզող խնդիրների հետ կապված: Մեր նպատակն է` մի կողմից բարձրաձայնել քաղաքացիներին հուզող խնդիրների լուծման անհրաժեշտությունը, մյուս կողմից էլ օգնել մեր քաղաքապետին և քաղաքային իշխանություններին դրանց լուծումների հետ կապված: Ֆլեշմոբի վերջում մասնակիցները նամակ հանձնեցին քաղաքապետին: